Komárno

	Komárno
	hungare: Komárom, hungare: Révkomárom, germane: Komorn, serbe: Коморан, latine: Comaromium
	urbo
	Urbocentro de Komárno
	Blazono
	Blazono
	Oficiala nomo: Komárno
Lando	Slovakio
Regiono	Nitra
Distrikto	Komárno
Historiaj regionoj	Aŭstrio-Hungario, Hungara reĝlando, Slovaka ŝtato
Urbaj partoj	11
Konataj lokoj	Bratislava pordego, Eŭropa Korto
Konstruaĵoj	Universitato Janos Selye, Luterana preĝejo
Riveroj	Danubo, Váh
Situo	Komárno
- alteco	112 m s. m.
- koordinatoj	47° 45′ 48″ N 18° 07′ 42″ O / 47.76333 °N, 18.12833 °O (mapo)
Areo	103,167 km² (10 316,7 ha)
Loĝantaro	35 881 (31.12.2008)
Denseco	347,8 loĝ./km²
Unua skribmencio	1075
- aliĝo al la urbo	1896
- apartigo	Komárno - Komárom
Horzono	MET (UTC+1)
- somera tempo	MET (UTC+2)
Poŝtkodo	945 01
Telefona antaŭkodo	+421-35
Aŭtokodoj	KN
ISO 3166-2	501026
	Situo de Komárno enkadre de Slovakio Situo de Komárno enkadre de Slovakio
	Situo enkadre de Regiono Nitra Situo enkadre de Regiono Nitra
	Vikimedia Komunejo: Komárno
	Retpaĝo: www.komarno.sk
	Portalo pri Slovakio

Por samtitola artikolo vidu la paĝon Komárno (apartigilo).

Konfuzu ĝin nek kun Komarno nek kun Komárom.

Koordinatoj: 47° 45′ 48″ N 18° 07′ 42″ O / 47.76333 °N, 18.12833 °O (mapo)

Komárno, hungare Komárom aŭ Révkomárom, germane Komorn estas distrikta urbo en suda Slovakio, ĉe riveroj Danubo kaj Váh. La nomo de la urbo devenas de la slovaka vorto por "moskitoj"; efektive post inundoj de Danubo ekzistas sufiĉe da tiuj insektoj.

Priskribo

La urbo situas sur la maldekstra bordo de Danubo kaj ĝi estas plejparte historia sidejo de eksa Aŭstrio-Hungario. Post la unua mondmilito la ŝtatlima linio de la novfondita Ĉeĥoslovakio difinita tra mezo de la rivero, pro kio okazis apartigo de tiu urba parto, kiu aliĝis al la urbo en la jaro 1896, tiu ĉi parto, kiu ĝis la jaro 1896 estis vilaĝo Újszőny, troviĝas sur la dekstra bordo de Danubo. Ambaŭ partoj estas kunigitaj per pontoj: per ŝosea kaj fervoja.

Komárno estas ĝemela urbo de sia transdanuba hungara ĝemelo Komárom. Ĝi estas pliparte hungarlingva kaj estas centro de la sud-slovakia hungarlingva minoritato; oficialaj ŝildoj estas dulingvaj. Ekzistas tie hungarlingva universitato, nomita laŭ Selye Janos.

La centra placo de Komárno nomiĝas laŭ generalo Klapka György, konata filo de la urbo. Ĉe ĝi staras interesa pestkolono. Apude situas "Eŭropa Korto" (hungare Europa-udvar, slovake Nádvorie Európy), ĉirkaŭata de domoj konstruitaj en la stiloj de diversaj eŭropaj landoj.

La urbo posedas kompletan ringon da bastionoj kaj fortikaĵon defendantan la riverbuŝon de Danubo kaj Vago. Historia signifo ĝia estas, ke ĝi neniam estis konkerita de la Osmanida Regno. Similaj fortikaĵoj ekzistas aliflanke de Danubo.

Ekde 1920 la urbo apartenis al Ĉeĥoslovakio, kie estis grava limotrapasejo. Inter 1938-1944 la regiono rehungariĝis. En 2001 loĝis tie 37366 da homoj (22452 hungaroj, 12960 slovakoj, 459 ciganoj, ktp). Ekde 2008 ambaŭ ŝtatoj apartenas al zono de Schengen, sekve la limoj malaperis.

Vidindaĵoj

Eŭropa Korto
Bratislava Pordo
Urba muro kun bastionoj
Urbodomo
Akvoturo
Oficira Pavilono
Pestkolono ĉe Klapka-placo
Universitato Janos Selye
Kalvinana preĝejo (Komárno)
Luterana preĝejo (Komárno)
Preĝejo de Plej Sankta Dipatrino (Komárno)

Famaj urbanoj

Naskiĝis kaj mortis en Komárom/Komárno:

Gyula Alapi, hungara ĵurnalisto
Zsigmond Beöthy, hungara poeto, juristo
Gábor Gregorics, hungara oficiro, instruisto

Naskiĝis en Komárom/Komárno:

Ladislao la 1-a (Bohemio) reĝo de Bohemio kaj Hungario
Mór Jókai, la plej granda hungara verkisto
Ferenc Lehár, hungara komponisto pri operetoj
Albin Rovács, Gyula Alapi kaj Viktor Bátor, hungaraj advokatoj
Balázs Csémy, Géza Galán, József Konrád, Gusztáv Molnár, János Németh, Lajos Mezey, Béla Polgár hungaraj aktoroj
Jana Nagyová kaj Szilvia Varga, aktorinoj
Barna Káldy, hungara arkitekto
Bernát József Benyák, hungara piarista instruisto
Antal Gévay, hungara orientalisto
Károly Nagy kaj Zsigmond Bödők, hungaraj astronomoj
József Szinnyei, hungara bibliografo, akademiano
Lőrinc Tóth kaj Kristóf Simai hungaraj dramistoj
József Király, hungara episkopo
Tamás Priskin, hungara futbalisto
József Péczely kaj Sándor Takáts hungaraj historiistoj
Pál Keresztes (instruisto)
József Rötth kaj Gyula Térfy, hungaraj juristoj
Lipót Kollonich, hungara kardinalo
Árpád Abonyi, hungara kemiisto
Lajos György Arányi, Szilveszter Somogyi, János Wagner kaj Sámuel Zay hungaraj kuracistoj
Ödön Beke, hungara lingvisto
Zoltán Szeberényi, hungara literaturisto
Kálmán Ghyczy, hungara ministro
Lajos Beszédes, hungara notario
Juliska Kopácsy, hungara operetkantisto
Pongrác Sörös, hungara pastro
György Komáromi Csipkés, hungara kalvinana pastro
László Patay, hungara pentristo
Miklósné Máthé, hungara pianisto
Gusztáv Csengey kaj Károly Döme hungaraj poetoj
Ivan Reitman, reĝisoro
Károly Samarjay, hungara advokato
István Nagy, hungara rektoro, episkopo
Gyula Berecz, hungara skulptisto
Jenő Gilyén, hungara statikisto
Béla Zsolt kaj László Beöthy hungaraj verkistoj.

Mortis en Komárom/Komárno:

hungara aktoro István Holocsy
hungaraj kalvinanaj episkopoj Gábor Antal kaj Gábor Pap
hungara pentristo Károly Harmos.

Vivis en Komárom/Komárno:

György Klapka, hungara generalo
János Selye, hungara medicinisto.

Esperanto-vivo

En Komárno okazis Sanmarinecaj Universitataj Sesioj, (sciencaj konferencoj): SUS 25 (2002), SUS 27 (2004) kaj SUS 29 (2006) de AIS San-Marino.

Dum SUS 27 AIS fondis LEUKAIS (Libera Eŭropa Universitato Kelemantia de AIS) ref?, privatan universitatecan institucion, kiu instruu interalie en Esperanto. LEUKAIS jam akiris kelkajn domojn apud la Eŭropa Korto, sed ĝis nun ne havas ŝtatan permeson instrui.

La stacidomo de apuda Komárom la vojaĝantojn salutas per ŝildoj en la lingvoj hungara, slovaka, germana kaj Esperanto.

En oktobro 2003 en Komárno okazis "renkontiĝo Ernesto Geleta" de Esperanta Societo Bratislava.

Ĝemelurboj